Home | Literature | * * *

* * *

22 March, 2012 01:20:00

Font size:

Bashkë me gjethet, ngjyra e syve prehet tutje në pellg.

Nga Bujar Plloshtani

Shtrirë

Shtrirë,

i pozon nudo vetmisë.

Një topth shejtan prej lajthie

magjishëm e vështron.

Trupin që puth syprinën

e vrazhdë të rërës.

Me xhelozi përvjedh vetminë,

mëkatoj i vetëm të fshehtat e saj

që ngjiten në mua brenda.

Zhvirgjërimi i syve

Duken dy toptha sysh që përthyhen,

pranë një dege të zhveshur,

që gjethet i kanë rënë në pellgun ngjyrë lajthie.

Bashkë me gjethet,

ngjyra e syve prehet tutje në pellg.

Një varkë e gështenjtë,

që puth tej horizontin

shikimin ia përvjedh nga larg.

Topthat e syve,

depërtojnë mistershëm kudoqoftë.

Përhumben thellë e për t’u shfaqur sërish,

brenda një frymori që e ngjiz

trupin e saj në pasion për ta ndier atë...

del.icio.us | Digg this story

Digg

Comments (4 posted)

artanushja 23 March, 2012 07:46:21

Poezi te mahnitshme per kete prag pranvere...
Urime!

Bujar Plloshtani 26 March, 2012 05:56:52

Drejtuar Dhimiter Pojanakut

Pojanaku, une nuk rri ne dore me poezine tende kudo qe iki per krijim!

Ndersa poezia ime "Shtrire" gezon kete varg:

Një topth shejtan prej lajthie
magjishëm e vështron.

vargu i siper ka per kuptim syte e mi hazel qe fshehtas perpiqen te depertojne brenda magjise qe nje vajze hirplote po hedh magjine e saj ne hapesire...
Kjo poezi ka lidhje me intimitetin tim, se sa me shume me ankesat e kritikeve te tu.

Fjala e poetit nuk eshte vetem fjale e Dhimitrit, ti fjalet nuk i ke blere nga qiejt me kupa floriri, mjeshteria e poeteve spikatet nga me te ndryshmet, dhe fundja, fjala eshte, dhe njeheresh i perket gjithe bijve poete te ketij globi.
Poezia ime eshte shkruar drejtperdrejte ne cast, dhe jo neper bunkere shtepiake i zhytur me muaj te terbuar per nje varg, per nje fjale...
Ketu eshte diferenca absolute!

Venus 26 March, 2012 05:31:31

Ja edhe poezia e Pojanakut:

Mbasdite vere

Dhimitër Pojanaku

Shtrirë,
I pozon qetësisë.
Një xham shejtan,
I vetmi mëkatar,
Gëzon hiret e saj.
Të linjtat,
Guaskat bosh,
Koloviten dyshemesë.

ylli 27 March, 2012 04:23:06

Venus, nje poet qe pretendon per me shume, nuk ec me fjalet e nje poeti tjeter, aq me pak, kur sot bota ka nje thes poetesh gjeni. Fjalet dhe poezite jane thene, por rithuhen, por varet nga thelbi, brendia, kuptimi, fabula esenciale. Platoni thote ' Poetet jane vete ata qe nuk e dine se si krijojne'.