Homazhe Presidentit Kaczynski

Në kryeqytetin e Polonisë, Varshavë, po zhvillohen homazhe para trupit të pajetë të Presidentit të ndjere polak dhe 95 personave të tjerë që humbën jetën në tragjedinë e 10 prillit.

Qindra mijë polakë marrin pjesë në shërbimin përkujtimor në sheshin kryesor të Varshavës për të nderuar Presidentin
Lech Kaczynski, gruan e tij Maria, dhe shumë figura të njohura që humbën jetën gjatë rrëzimint të avionit afër Smolenskut, ku ishin nisur për të nderuar viktimat e masakrës së polakëve në Luftën e Dytë Botërore.

Sirenat dhe këmbanat e kishave në mbarë Poloninë sot në 8:56 sipas kohës lokale e përkujtuan momentin e para një jave të rrëzimit të aeroplanit në Rusi, automjetet në rrugët e Varshavës  ndaluan, ndërsa kalimtarët qëndruan në heshtje.