Berisha viziton Kinen

Kryeministri shqiptar merr pjese ne Forumin Ekonomik te Azise, si i ftuar nderi.

Kryeministri Berisha po vazhdon vizitën e tij 5 ditore në Kinë, ku po merr pjesë në Forumin Ekonomik të Azisë, si i ftuar nderi i homologut kinez, Wen Jiabao. Bashkë me 12 liderët e shteteve aziatike dhe europiane, Berisha ka diskutuar për mënyrat e daljes së ekonomisë botërore nga kriza dhe domosdoshmërinë e reformimit të institucioneve ndërkombëtare.

Në një intervistë për agjensinë kineze të lajmeve Xinhua, Kryeministri Berisha është shprehur se do të bënte gjithçka, veçanërisht në këtë vit, që shënon edhe 60-vjetorin e marredhënieve shqiptaro-kineze për të forcuar miqësinë dhe bashkëpunimin mes dy vendeve.