* * *

Topi: Faktori politik të vendosë axhendën qytetare mbi çdo axhendë tjetër

Në konferencën e organizuar për 20-vjetorin e marrëdhënieve SHBA-Shqipëri, kreu i shtetit Bamir Topi në fjalën e tij theksoi se vetëm duke vepruar me përgjegjësi, politika do të vihet në funksion të qytetarit dhe do t`i shërbejë interesave të vendit. Ai kërkoi nga faktori politik në vend që të tregojnë kurajo dhe përgjegjësi, duke vendosur në krye axhendën qytetare mbi çdo axhendë tjetër. “Ne kemi një popullsi të re në moshë dhe ata meritojnë të dëgjohen dhe të respektohet vullneti i tyre. Sot Shqipëria është në NATO dhe aspiron të bëhet pjesë e Bashkimit Europian, prandaj për ne kërkohet një sjellje e re në politikë” ka thënë Topi.