28 Qershor,zgjedhjet ne Shqiperi

Në zgjedhjet e këtij viti do të votohet për herë të parë tërësisht për partitë, në një sistem proporcional me bazë qarku.

Klosi News

Sipas njoftimit për shtyp të Presidencës bazuar në kompetencat qe i njeh Kushtetuta dhe Kodi Zgjedhor, Presidenti Topi dekretoi  sot 28 Qershorin, si ditën e zgjedhjeve të përgjithshme ne Shqiperi.

Dekreti i Presidentit mbështetet në nenin nr.92 të Kushtetutës dhe në nenin nr.184 të Kodit Zgjedhor.

Pas kësaj, Kuvendit i duhet të vendosë rikompozimin e Komisionit Qëndror të Zgjedhjeve, duke ndërprerë në këtë mënyrë mandatin e KQZ-së.

Sipas Kodit të Ri Zgjedhor fushata elektorale do të fillojë zyrtarisht 30 ditë përpara, dhe do të përfundojë 24 orë para hapjes së kutive te votimit.