Home | Society | Taksë për banesat në 2018-ën

Taksë për banesat në 2018-ën

Font size: Decrease font Enlarge font
image

Vendosja e taksës sipas vlerës së banesave parashikohet të sjellë rritje të ndjeshme të ardhurave në njësitë e qeverisjes vendore...

 

      

 

 

 

Vendosja e taksës sipas vlerës së banesave parashikohet të sjellë rritje të ndjeshme të ardhurave në njësitë e qeverisjes vendore. Raporti, i përgatitur nga Co-PLAN mbi financat publike vendore nxjerr në pah se aktualisht njësitë  vendore patën rritje, të ardhura nga taksa mbi ndërtesat të cilat rezultuan në rreth 2.4 miliard lekë, me një rritje prej 5.6% në gjashtë muajt e parë të vitit 2017. Në të kundërt, të ardhurat nga taksa mbi tokën bujqësore shënuan rënie vjetore të theksuar me rreth 20.6% krahasuar me një vit më parë. Më negative situata paraqitet në të ardhurat nga Taksa e truallit e cila nuk rezulton të ketë regjistruar të ardhura për 6 muajt e parë të këtij viti. Kjo situatë lidhet me problematikat e mungesës pothuajse totale të regjistrave të bazës së taksës dhe taksapaguesve. Nisur nga këto konstatime vlerësohet se mund të ketë probleme të raportimit financiar, dhe për këtë kërkohet një vlerësim më i thellë nga autoritetet për të ndryshuar situatën.

 

Në gjysmën e parë të vitit 2017 të ardhurat për njësitë e qeverisjes vendore u rritën me 8.5 miliardë lekë. Peshën kryesore në arritjen e këtyre rezultateve duket se e ka mbajtur rritja e të ardhurave nga taksa e ndikimit në infrastrukturë e cila është ndikuar edhe nga rritja e ndjeshme e numrit të lejeve të ndërtimit. Ndërkohë në pr/buxhetin 2018 thuhet se ndryshimet që po përgatiten në taksën e pronës dhe kadastrën fiskale parashikohen të mbajnë peshën më të madhe të rritjes të ardhurave në buxhetin vendor. Për vitin 2018, bashkitë do të përfitojnë edhe nga ndarja e të ardhurave nga Tatimi mbi të Ardhurat Personale, një instrument i ri i financimit të bashkive, që pritet të rrisë edhe partneritetin në luftën kundër informalitetit. 

 

Subscribe to comments feed Comments (0 posted)

total: | displaying:

Post your comment

  • Bold
  • Italic
  • Underline
  • Quote

Please enter the code you see in the image:

Captcha
  • email Email to a friend
  • print Print version
  • Plain text Plain text
Tags
Rate this article
5.00
Share this article